Internet sai Paise Kaise Kamayein | Online Paisa kamane ke Sabse Acche tareeke

By | January 6, 2018

Internet sai Paise Kaise Kamayein ? Online Paise Kamane ke sabse Acche Tareeke

Doston aajkal online paise kaman aasan hota jaa raha hai. Videshi deshon mai to log kaafi samay sai pahle se kaafi paisa online kamate aa rahe hain par ab India mai bhi online paisa kamane ke kaafi tareek aa gaye hain. Aap ghar baithe bahut sai kaam karke paisa kama sakte hain jaise ki Singing, acting, photography, writing, affiliate marketing, digital marketing, Youtube, Instagram, DailyMotion, Blogging etc ghar baithe paisa kamane ke bahut hi acche tareeke hain. Aaj ham aapko internet se paise kamane ke 25 tareekon ke baare mai batayenge jinse aap ghar baithkar kaafi acchi earning kar sakte ho.

Aapko online paise kamane ke liye kuch bhi kharch karne ki jarurat nahi hai aur aap ghar baithe kaafi acchi earning kar sakte hain. Lekin online earning karne ke liye aapko thoda dheeraj rakhna hoga kyonki online earning dheere dheere hoti hai. Aap pahle hi din sai online earning nahi kar sakte.

Kya mai internet sai bina investment ke paise kama saktha hun ? kya mai internet sai paise kama sakti hun ? Ji haan, bilkul aap male ho ya female internet sai paise kama sakte hain aur iske liye aapko kuch invest karne ki jarurat bhi nahi padegi. kya internet sai paise kamana aasan hai ? Ji Nahi! Internet sai paise kaman utna bhi aasan nahi hai jitna aap sochte hain lekin phir bhi internet sai paise kamaye jaa sakte hain kyonki aajkal internet sai paisa kamane ke kaafi jyada treeke uplabdh hain kyonki aajkal sab kuch internet par hi nirbhar hai aur siliye internet sai paise kamane ke tareeke bhi badh rahe hain. Waise to internet sai paisa kamane ke bahut sai tareeke hain lekin yahan par ham aapko kuch acche aur aasan tareekon ke baare mai batayenge jinse aap ghar baithe internet sai paise kama sakte hain.

Yahan par ham aapko kuch common sawalon ke jabab bhi dena chahte hain jo ki hamse kaafi puche jaate hain . Aap In sawalon aur unke uttar ko dhyan se padhoge to aapke kaafi doubts clear ho jayenge :

Ques1. Kya Internet sai sach mai paise kama sakte hain ?

Answer : Ji Haan, Internet sai paise kamaye jaa sakte hain.

Ques2. Internet sai kitne paise kamaye jaa sakte hain ?

Answer : Ye sawala Mujhse kaafi pucha jaata hai ki Internet sai kitne paise kamaye jaa sakte hain. Mai aapko bata dun ki Internet sai paise kamane ki koi limit nahi hoti. Kuch log internet sai 1 bhi rupya nahi kama paate jabki kuch log lakhon rupaye kama lete hain. Ye total aapke skills aur aapki mehnat par depend karta hai ki aap Internet sai kitne paise kama sakte hain.

Ques3. Kya Internet sai paise kamane ke liye kisi degree ki avashyakta hoti hai ?

Answer  – Internet sai paise kamane ke liye kisi degree ki jarurat nahi hoti. Aap agar padhe likhe nahi hain tab bhi aap Internet sai paise kama sakte hain. Bas aapko skills ki jarurat padegi.

Ques4. Kya Internet sai paise kamaney ke liye English aani jaruri hai.

Answer – Internet sai paise kamanye ke liye thodi bahut English jarur aanei chahiye. Phir bhi agar aapko English nahi aati tab bhi aap Hindi mai shuru kar sakte hain lekin aapko thodi bahut english ki jarurat to jarur padegi .

Ques 5- Kya Mobile sai paise kamaye jaa sakte hain ?

Answer – Ji haan, Aap Mobile ki madad se bhi paise kama sakte hain.

Ques 6 – Kya Internet sai paise kamane ke liye Computer ya Laptop Hona jaruri hai ?

Answer- Internet sai paise kamaney ke liye computer ya laptop ka hona bahut jaruri to nahi hai. kuch Log Mobile se kaam karke bhi kaafi accha paisa kama lete hain. Lekin ye aap par depend karta hai ki aap Internet sai paise kamaney ke liye kya kaam kar rahe hain. Kuch kaam karne ke liye aapko computer ya laptop ki jarurat nahi padegi lekin kuch kaam aap kewal computer ki madad se hi kar sakte hain. To mai kahna chahunga ki agar aap full time paisa internet sai kamana chahte hai to aapko computer ya laptop ki jarurat padegi hi lekin aap thoda bahut paisa bina computer/Laptop ke bhi kama sakte hain.

Quest 7 – Interne sai paise kamane mai koi risk hai kya ?

Answer- Agar aap paise kamane ke liye sahi tareekon ka istemaal karte hain aur koi dhokha dhadi ka kaam nahi karte to internet sai paise kamane mai koi risk nahi hai.

Quest 8 – Kya Mai Internet sai paise kama sakta hun/Kama sakti hun?

Answer – Internet sai paise koi bhi kama sakta hai.

Ques 9. Kya mai Internet sai paise kamane ke liye apni job chor sakta hun ?

Answer – Jab tak aap Internet sai accha paisa naa kamane lagein tab tak aapko apni job nahi chorni chahiye. Internet sai aap paise kama hi loge iss baat ki koi guarantee nahi hoti.

Ques10. Kya Internet sai paise kamakar raaton raat ameer ban sakte hain ?

Answer- Internet sai paise kamakar raaton raat ameer nahi bana jaa sakta. Internet sai paise kamane ki process jyada tej nahi hoti . Aap dheere dheere internet sai paise kama sakte ho aur bahut jayda paisa nahi kama sakte. Aisi success story bahut kam hain jisse internet sai paise kamakar bahut jaldi ameer bana jaa sake lekin aap kaafi had tak accha paisa kama sakte hain.

 

How to Make Money Online from India ?

India mai online Paise kaise Kamayein ? Doston ham Chahte hain ki bharat ka ek bhi aadmi berojgar naa ho aur har koi paise kama sake. Isi baat ko dhyam mai rakhkar ham yahan par aapko online paisa kamane ke 5 tareeke batane wale hain. Ab baat yah aati hai ki agar aapko English nahi aati to kya phir bhi aap online paise kama sakte hain ? Ji haan, bilkul aap bina english ki acchi knowledge ke bhi online paisa kama sakte hain. India mai online paise kamana ab aasan ho chuka hai aur iske liye kya tareeke apnane hain ye jaanne ke liye aap hamare dwara bataye gaye saare tareekon ko jaane tabhi aap internet sai paise kamane mai safal ho sakte hain.

Best ways to make Money online Hindi | Internet sai paise kamane ke tareeke Hindi mai | Online Paisa kamane ke tareeke Hindi mai

Doston ab aap kahenge ki aapko to angrezi nahi aati isliye aapke liye paise kamana mushkil hai to mai aapko bata dun ki jee nahi. Aisa kuch bhi nahi hai. Aapke paas online paise kamane ke liye jajba chahiye aur dhairya yaani dheeraj ki jarurat hai. Agar aapko Angrezi aache sai nahi aati aur agar aap tooti footi english bhi jaante hain phir bhi aap hindi bhasha ka istemaal karke hi online paisa kama sakte hain. Aap bas iss baat ka khaas dhyan rakhein ki jo bhi kaam aap online paisa kamane ke liye karein uski poori jaankaari aapki honi chahiye aur aap us kaam mai dheeraj rakhein. Aapko online paisa kamane ka result turant aana shuru nahi hota balki aapko kuch samay baad hi accha result milta hai. Online paisa kamane ke liye pahle aapko sheekhna bahut jaruri hai aur acche sai seekhne ke baad hi aap online earning start kar sakte ho. Agar aap yah soch rahe ho ki aaj hi aap online paisa kamana shuru kar doge to aisa bilkul nahi hoga aapko iss kaam mai kaafi samay lag jayega. Aap apni pahli kamayee kaam shuru karne ke 1 se 2 mahine baad maankar chal sakte hain lekin agar aap isme perfect ho jayenge to phir aapko har mahine kuch naa kuch income hoti rahegi.

Internet sai Kitna Paisa Kama Sakte Hain ?

Bahut saare log mujhse ye sawaal puchte hain ki sir, Mai Internet sai kitna paisa kama sakta hun jabki kuch yah bhi puchte hain ki mai internet sai kitne dino mai paisa kama sakta hun. Mai aapko bata dun ki internet sai paisa kamane ki koi limit nahi hoti ye saara kuch sirf aap par nirbhar karta hai ki aap internet sai kitna paisa kama sakte hain ya phir nahi bhi kama sakte. Kuch Log internet sai bilkul paisa nahi kama paate jabki kuch log internet sai kaafi accha paisa kama lete hain. Agar aap internet par paisa kamane ki koshish kar rahe hain lekin phir bhi internet sai paise nahi kama paa rahe hain to iska karan ye hai ki jo kaam aap kar rahe hain uski aapko acche se knowledge nahi hai, wo kaam aapne pahle seekha nahi hai aur bina seekhe hi kaam karna shuru kar diya paisa kamane ke liye to iss tarah sai aap paisa nahi kama paoge. Kaam shuru karne se pahle aap ko us kaam ke baare mai seekhna hoga tabhi  aap kaam karna shuru karein ye cheez aapki kaafi help karegi acchi online earning mai.

Mai Internet sai Paise Kyon Nahi Kama Paata ?

Agar aap pahle se internet sai paise kamane ki koshish kar rahe ho lekin abhi tak kama nahi paaye ho to iske peeche bahut saare karan ho sakte hain. Bahut sai log mujhe se puchte hain ki sir, Mai to kaafi samay sai internet sai paise kamane ki koshish kar raha hun lekin mujhe earning nahi ho rahi hai . To doston kyonki mai unse face to face milta hun isliye unki exact problem ka mujhe pata laga jaata hai jisse mai unki problem ko solve kar paata hun lekin aap aaj jo mai baatein aapko bata raha hun wo saari baatein acche se padh lein to aako koi problem nahi aayegi aur aapki earning bhi bahut jaldis shuru ho jayegi.

Aisa bahut baar hota hai ki aapko kaafi saari websites ka invitation hota hai online paisa kamane ke liye . Par kyonki aapko pata nahi hota ki wo websites legal hain ya nahi isliye aap wahan par dhokha khaa jaate ho aur wo websites aapse kaam karwane ke baad bhi aapko paise nahi deti. Isliye iss baat ka dhyan rahe ki online paisa kamane ke saare ke saare tareeke genuine nahi hote. Internet par bahut jyada dhokhebaaji bhi hoti hai jisse aap ya to apna paisa invest karke apna nuksaan kar baithe ho ya apna bahut jyada time dene ke baad bhi aapko earning hoti hi nahi. Aapko aisi kisi bhi schemes ke chakkar mai nahi padna chahiye aur online paisa kamane ke liye sirf free aur acche tareekon ko hi dhyan mai rakhna chahiye. Ham yahan par kewal aise hi tareekon ki baat karenge jisme aap bina kuch kharch kiey accha paisa kama paayein ghar baithkar

Kya Mai Internet sai paisa kamane liye Job Chor Sakta Hun ?

Agar aap koi job kar rahe hain aur internet sai paisa kamane ke liye apni job chodna chahte hain to mai aapko bata dun ki online earning mai success milne ke baad hi aap apni job chorein. Kyonki Internet sai paisa kamane mai koi guarantee nahi hoti. Agar aap internet sai paisa kamana chahte hain to iska matlab yah nahi ki aap internet sai paisa kama hi loge. Aisa ho bhi sakta hai ki aap internet sai acche paise kama lo lekin aisa bhi ho sakta hai ki aap internet sai paise naa kama paao. Ye total aapke upar nirbhar karta hai ki aapka kaam karne ka tareeka kya hai aur aap kaise paisa kamana chahte ho. Aap pahle online paise kamana shuru karein uske baad hi apni naukri chodein. Internet sai paise kamana shuru karne sai pahle hi job chod dena bahut bada risk hoga.

Internet Sai Paise kamane ke Sabse Acche 25 Tareeke

Chaliye doston ab baat kar lete hain internet sai paisa kamane ke sabse acche 25 tareekon ki. Agar inme sai ek bhi tareeka aapne acche sai seekh liya aur us par aapne lag kar kaam karna shuru kar diya to aapko online paise kamane sai koi bhi nahi rok sakta. Ye Online paisa kamane ke aise tareeke hain jinme aapko paise kamane ke liye kuch bhi invest karne ki jarurat nahi hai aur aap ghar baithkar full time income kama sakte hain. Neeche bataye gaye 25 tareekon mai sai jo bhi kaam aapki knowledge ke hisaab sai aapko aasan lage wo kaam aap try kijiye aur paisa kamana shuru kar dijiye.

इंटरनेट से पैसे कैसे कमाएं

इंटरनेट से पैसे कमाने के सबसे अच्छे 5 तरीके

  1. Blogging (Website sai Paise Kamayein : Doston Blogging yaani Website Internet sai Paise kamane ke sabse acche tareekon mai se sabse pahle number par aata hai. Ye internet se paisa kamane ka sabhse accha tareeka hai aur iski khaas baat yah hai ki iss tareeke mai aap bina kuch kharch kiye bhi paise kamana shuru kar sakte hain. Blogging shuru karne ke liye aapko likhna jarur aana chahiye chahe wo aap Hindi mai likho ya Angrezi mai koi fark nahi padta.Blogging kaise shuru karein :   Agar aapko Blogging sai paisa kamane mai interest hai to sabse pahle baat yah aati hai ki aap blogging shuru kaise karein. Iske liye aapko sabse pahle apne interest ka ek topic select karna hoga ki aap kis topic par likh sakte ho jaise ki Internet kahaniyan, Jokes, Shayari , songs, Health and Wellenss, Beauty ya phir koi bhi topic jo aapko pasand ho aur jis par aapko lagta hai ki aap likh sakte ho select kar lein. Jab aap topic select kar lo to phir aapko blogspot.com par jakar free blog register karna hoga aur apni pasand ke hisab sai blog ka naam rakh lein jis par aap likh sakte ho. Jaise hi Blog par free registration ho jaye phir aap us topic par likhna shuru kar dein. Shuru mai aap ek post roj likhne ki koshish karein aur dheere dheere ise badhate jaayein

   Blogging sai Paise Kaise Kamayein : Ab agar aapka blog tayyar ho chuka hai aur aapne post daalna bhi shuru kar diya to aap puchenge ki aap Blogging sai paise kaise kamayenge. To ham aapko bata dein ki jaise hi aapke blog par visitor aane shuru ho jayenge to aap apne blog ko Google Adsense sai link kar sakte hain. Google Adsense sai link hote hi aapke blog par ads aana shuru ho jayenge aur Google ads aapko paise dene shuru kar dega. Aapke blog par shuru mai kam hi visitor aayenge to Google Adsense ki kamayi bhi kam hi hogi lekin jaise jaise aap posts badhate jayenge to aapke blog par visitors badhte jayenge aur adsense ki earning bhi badhti jayegi. Aagar aapke blog ek din mai 10 dollars bhi aana shuru ho jayenge to ham kah sakte hain ki aapki earning theek ho rahi hai kyonki Google Adsense aapko dollars mai paisa deta hai aur 1 dollar ka apko lagbhag 65 Rs milega to agar aap 10 dollar daily kamate ho to aapki daily earning 650 rs hogi jo dheere dheere badhti bhi rahegi . Ham kah sakte hain ki iss tareeke sai aap 10 sai 50 hajar rs tak per month kama sakte ho.

Ab ye paisa hamne kama to liya lekin hamare account mai kaise aayega iss baare mai bhi jaanana jaruri hai to ham aapko bata dein ki Google Adsense ki payment threshold limit 100 Dollar hai jiska matlab ye hai ki jab tak aapke Google Adsense account mai 100 dollars poore nahi hote tab tak aap wahan sai paise nahi nikal sakte jaise hi aapke account mai 100 dollar poore ho jayenge to aap Google adsense sai paise direct apne bank account mai transfer kar sakte hain. Paise Bank account mai transfer karne sai pahle Google Adsense aapko aadress verify karne ke liye bolega jise aap do tareekon sai verify kar sakte hain

Google Adsense Account ko Verify kaise kawayein : Ab Google Adsense sai aap 100 dollars kama chuke hain to paise apne account mai transfer karne sai pahle aapko Google Adsense account verify karwana hoga. Apne Google Adsense profile mai aap apna sahi address daalein kyonki iss address par Google Adsense aapko verfication pin bhejega jise aapko apne Google Adsense account mai verfication ke liye daalna hoga . Jaise hi Google ke dwara bheja gaya pin aap apne Google Account verification pin mai daalkar submit karoge to aapka Google Account verify ho jayega aur verify hote hi paisa aapke Bank Account mai direct jama ho jayega. Google Adsense account sai apna sahi bank account link karana naa boolein

Lekin Kabhi kabhi aisa bhi hota hai ki Google Adsense verification pin aapko nahi mil paata hai aisa us condition mai hota hai jab yaa to aapne Google adsense profile mai apna sahi address nahi daala ya phir Google ke dwara bheji gayi pin kahin raaste mai kho gayi ya Post office walon nai aap tak pin nahi pahunchaayi to iske liye aapko 30 – 45 din wait karne ke baad dobara sai pin mangane ki request daalni hogi, Aisa aap apne Google Adsense account mai jakar kar sakte hain. Iske liye aapko 3 attempts milenge, Agar 3 attempts ke baad bhi Google Adsense Verification pin aapke paas tak nahi pahunchta hai to phir aapko apna koi address proof jaise ki voter id , Aadhar card, rent agreement, phone bill, bijli bill ya koi aur address proof jo ki Google Adsense par update kiye gaye address ke jaise hona chahiye. Jaise hi aap documents update kar doge to Google Adsense 1 din ke andar aapka Google Adsense account verify kar dega aur kamaye gaye paise aapke bank account mai transfer ho jayenge.

Blog sai paise kaise kamayein | Online paisa kamane ke sabse acche tareeke

Blogging sai paisa kamane ke aasan tareeke | Internet sai paise kamane ke 10 sabse acche tareeke

Blogging sai kitna paisa kama sakte hain Hindi mai

 

2. Youtube Sai Paisa Kamayein : 

Internet sai Paise kamane ka Doosra Sabse accha tareeka Youtube hai. Youtube Internet sai paise kamane ka pahla sabse accha tareeka bhi ho sakta hai agar aap videos banane mai acche hain aur interested videos bana sakte hain. Youtube sai paise kamane ke liye sabse jyada jaruri yahi hai ki aapke paas videos banane ke acche skills hone chahiye. Aaj kal digitalization ka time hai aur future mai world poori tarah sai digitalize ho raha hai. Aise mai log padhna kam aur videos dekhna jyada pasand karte hain phir chahe ho wo entertainment ke liye ho, Chahe education ke liye ya kisi aur purpose sai har koi videos dekhna pasand karta hai aur videos sai saamne wale ko sahi sai samajh bhi aa jata hai.

Aajkal Youtube sai paisa kamana kaafi aasan hai lekin agar aap Youtube starter hain to aapko thoda struggle jarur karna padega kyonki Youtube mai aajkal bahut jyada competition hai aur har koi videos banane laga hai. Aajkal aapne dekha hoga ki chote chote bacche bhi videos banakar Youtube par daal rahe hain. Aise mai agar har koi videos banane lag jayega to dekhega kon isliye pahle ke comparison mai ab Youtube sai Income kam hoti jaa rahi hai. Pahle per 100 views Youtube sai acchi khaansi kamayi ho jaaati thi lekin ab pahle ke comparison mai Youtube per 100 views kaafi kam paisa deta hai aur ye paisa kam hi hota jaa raha hai kyonki market mai Youtubers kaafi jyada ho gaye hain jisse Youtube par videos ki bharmaar hai aur advertisers nai kam paisa dena shuru kar diya hai . Lekin phir bhi Youtube free mai paise kamane ka ek accha tareeka hai aur aap is tareek sai acchei income kar sakte hain. Agar aap Youtube career mai success hona chahte hain to neeche batayi gayee baaton ka dhyan rakhna bahut jaruri hai :

Aapko videos acchi banani aani chahiyein

Youtube par success hone ke liye acchi video editing hona bahut jaruri hai

Aapki video ki voice quality acchi honi chahiye kyonki viewers sabse jyada important aapki voice ko dete hain

Aapki video ka content accha hona chahiye tabhi aap competition ko todte hue aage badh paoge warna competition itna jyada hai ki aapka aage badhna mushkil hoga.

Original content hi banayein agar aap kisi dusre ke contents churate hain to Google use jaldi hi pakad lega aur aapka Youtube channel terminate kar diya jayega

Aapko apne Youtube channenl par 10,000 views achieve karne honge phir aap monitization ke liye request kar sakte hain. Ab Youtube team aapka channel review karegia aur agar aapke contents Youtube policies ke hisaab sai theek honge tabhi aapka channel monetization ke liye eligible hoga.

Youtube team sai aaprove hone ke baad apka Youtube channel paise kamane ke liye eligible ho jayega.

 

3. Affiliate Marketing :

Affiliate Marketing sai paise kaise kamayein ? Affiliate Marketing kya hai ?

Affiliate marketing paise kamane ka kaafi accha aur successful tareeka hai aur aajkal affiliate marketing sai kuch log kaafi paisa kama rahe hain.

What is Affiliate Marketing ? Affiliate Marketing kya Hai ?

Kisi dusre ke products ko jaise ki kisi company ya phir kisi individuals ke products ko Internet par bechkar us par commission earn karna affiliate marketing hai. Affiliate marketing mai aapko kisi ke ya phir aapke apne products ko online sell karna hota hai aur aap us par accha khaansa profit earn kar sakte hain. kuch bade bloggers ya companies is tareeke sai kaafi jyada paisa kama bhi rahi hain.

Affiliate marketing mai alag company ya phir ek alag product ka commission nirdharit hota hai. Aap apne blog , facebook, Youtube ya phir kisi aur internet ke teareeke sai us product ko bech sakte hain aur ek accha commission earn kar sakte hain. India mai aap Amazon , Flipkart, banking products, Go daddy, holidays websites ya phir kisi dusri acchi company ke products sale karwa sakte hain aur ek acchi online earning kar sakte hain.

 

4. Writing :

Content Writing sai paise kaise kamayein ? Likhkar paise kaise kamaye jaa sakte hain ?

Writing online paisa kamane ke sabse acche tareekon mai sai ek hai. Agar aap articles likhne mai mahir hain to isse accha paise kamane ka tareeka aapke liye kuch nahi hoga. Article likhkar aap ek acchi full time earning kar sakte hain.

Online content writers ki Market mai bahut demand hai kyonki India mai ab startups kee bharmaar hai aur har roz bahut si websites, naye startups, nayi companies shuru ho rahe hain jo apna business badhane ke naye naye tareeke dhoondhte rahte hain. Ek acche content writing skills ke saath aap content writing job shuru kar sakte hain ya phir aap companies sai project lekar content writing kar sakte hain. Ye kaam market mai bahut aasani se uplabdh hai aur isme kaafi acchi kamayee bhi hai. Aapko content wringing mai jyada paisa kamane ke liye acchi content writing skills ki jarurat padegi jiske liye aapko kisi ek topic ki acchi knowledge honi chahiye aur us topic par agar aap creative articles likh sakte hain to phir aapko iss sector mai aaage badhne sai koi nahi rok sakta. Aaj Duniya mai itna jyada digitalization ho gaya hai ki har koi internet par nirbhar hai aur aise mai content writers ki maang day by day badhtee jaa rahi hai.

Content writing ki job un students ke liye bhi sabse acchi job hoti hai jo abhi study kar rahe hain aur part time paisa kamana chahte hain. Students part time content writing karke apna padhaai ka poora kharch bhi nikaal sakte hain. Agar aap ye post padh rahe hain to aap internet surf to jarur karte honge , aapne bahut saari websites par dekha hoga ki wahan par ek page hota hai jahan par likha hota hai – Write for us. Aap write for us par click karke un websites ke liye likh sakte hain aur website owner ko contact kar sakte hain. Agar aapka article website owner ko pasand aaya to aap per article kaafi acchi earning kar sakte hain.

India mai content writing ke liye kaafi saari websites par available hain jahan sai aap content writing ka kaam utha sakte ho. In websites ke liye kaam karke aap ek acchi earning kar sakte hain :

Upwork

FreeLancer

ContentMart

Fiverr

Agar aap content writing karna chahte hain to upar dee gayi kisi bhi website par register karke aap yahan sai bhi kaam le sakte hain. Apko ye dhyan rakhna hoga ki aapke articles unique hone chahiyein tabhi aapko content writing mai accha paisa mil sakta hai.

Content Writing karke kitna paisa kama Sakte Hain?

Content writer ki fees alag alag hoti hai. Agar aapko content writing ka koi experience nahi aur aap ek average article likh sakte hain to aapko 500 words ke ek article ke liye INR 300 Rs – 500 Rs tak mil sakte hain wahin par 1000 words ke article ke aap 1000 rs tak kama sakte hain.

Wahin par experienced content writers 1000 words ke ek article ke 20,000 INR tak bhi charge karte hain.

To aap kah sakte hain ki agar aap ek fresher hain aur aap 1-2 articles daily likhte hain to aap 10 – 20 thousands rupees har mahine aasani sai kama sakte hain wahin par expert content writers kaafi jyada earning kar sakte hain.

 

5. Study Notes Sell Karke Paise Kaise Kamayein :

Online Notes sell karke paise kamane ka tareeka students ke liye sabse accha tareek ho sakta hai. Waise koi bhi iss tareeke sai paise kama sakta hai. Internet par kaafi saari aisi websites hain jo aapko study notes ke liye paise deti hain.

Aap kisi bhi subjects ke acche notes banakar unhe websites par bech sakte hain lekin acchi earning karne ke liye aapke notes acche hone chahiyen aur aapke notes mai quality honi chahiye. Acche aur sahi information ke saath banaye gaye notes se aap kaafi acchi earning kar sakte hain.

Kaafi students Notes banana pasand nahi karte aur unhe bane banaye notes chahiyein jisse wo apne subjects ki study kar sakein aur acche marks laa sakein siliye kuch internet websites students sai notes khareedkar dusre students ko bech deti hain aur isse students kee kaafi madad bhi ho jaati hai. Yahan par ham aapko kuch websites ke naam bata rahe hain jahan par aap notes bechkar paise kama sakte hain.

OneClass

StudySoup

oxbridgenotes

Upar dee gayi kisi bhi website par register karke aap apne study notes sell kar sakte hain aur ek acchi earning kar sakte hain.

 

 

Tags : Make money online, Internet sai paise kaise kamayein, Internet sai paise kamane ke tareeke, Internet sai paise kaise kamayein, Internet sai paise kamane ke tareek, internet sai paise kamane ke 5 sabse acche tareeke, online paise kaise kamayein, students ke liye part time work, Hindi mai kaam karke Internet sai paise kaise kamayein, Bina english ke itnernet sai paise kaise kamayein, India mai Internet sai paise kaise kamayein, Mobile sai paise kaise kamayein, Bin computer ke internet sai paise kaise kamayein, Bin laptop ke itnernet sai paise kaise kamayein, Youtube sai paise kaise kamayein, Blogging sai paise kaise kamayein, Website banakar paise kaise kamayein, Internet sai paise kaise kamate hain, Internet sai paise kama sakte hain kya, Internet sai ameer kaise bane, Internet sai paise kama sakte hain kya, Likhkar paise kaise kamayein, Hindi mai likhkar paise kaise kamayein, Hindi mai blog kaise shuru karein, 2018 mai Internet sai paise kaise kamayein, Internet sai teji sai paise kaise kamayein, Internet sai jyada paise kaise kamayein, Internet sai ghar baithe paise kaise kamayein, Internet sai full time paise kaise kamayein , Affiliate marketing kya hai, Affiliate marketing sai paise kaise kamayein.

Leave a Reply

Your email address will not be published. Required fields are marked *